a91.1Sng 31.20, 121.5, Ais 25.4, 32.2
b91.2Sng 14.6, 18.2, 56.4, Jer 16.19
c91.31 Kin 8.37, Sng 124.7, Snd 6.5
d91.4Sng 36.7, 40.11, 63.7, Ais 51.16
e91.5Jop 5.19-23, Sng 23.4, 27.1, 64.4
f91.62 Kin 19.35, Jop 5.22
g91.7Jos 14.10
h91.8Sng 37.34, 58.10
i91.11Sng 34.7, Mt 4.6, Lu 4.10
j91.12Mt 4.6, Lu 4.11
k91.13Het 14.6, Dan 6.22, Lu 10.19
l91.14Sng 9.10, 59.1, 145.20
m91.151 Sml 2.30, Jop 12.4, Jo 12.26

Psalms 91

God em i wasman bilong yumi

1Man a i go
long God Antap Tru,
bilong God i ken lukautim em,
em i stap klostu
long God I Gat Olgeta Strong,
na God i karamapim em.
 2Bai b dispela man
i tok long Bikpela olsem,
“Yu save banisim mi
na yu was gut long mi.
Yu God bilong mi.
Mi save bilip long yu.”

3Tru c tumas,
bai God i lukautim yu gut
na samting i stap hait
i no inap bagarapim yu.
Na bai em i banisim yu
na ol sik nogut i no inap kisim yu.
 4Bai d em i karamapim yu gut,
olsem kakaruk
i karamapim ol pikinini
long wing bilong en.
Yu ken hait gutpela tumas
aninit long wing bilong Bikpela,
na bai em i was long yu.
Em i no save giaman
long lukautim yu.
Olsem na yu ken i stap
wantaim Bikpela,
olsem man i hait baksait
long hap plang bilong pait.
 5Long e nait yu no inap pret
long wanpela samting nogut.
Na long san yu no ken pret
long wanpela samting
i kamap kwik tumas
bilong bagarapim yu.
 6Na f bai yu no inap pret
long bikpela sik i kamap long nait,
na long samting nogut
i kamap long biksan tu
na i laik bagarapim yu.

7Sapos g 1,000 man i dai
klostu long yu,
na 10,000 i dai
long han sut bilong yu,
maski, samting nogut
i no ken i kam klostu long yu.
 8Bai h yu yet i lukim God
i bekim pasin nogut
ol man nogut i bin mekim.

9Yu save go long God
na hait long ol samting nogut,
na God Antap Tru
em i wasman tru bilong yu.
 10Olsem na samting nogut
i no inap kamap long yu.
Na bikpela sik i no inap i go klostu
long haus bilong yu.
 11Bikpela i bai i givim wok long ol ensel
bilong was long yu
long olgeta wokabaut bilong yu.
 12Na j bai ol i karim yu
long han bilong ol,
nogut wanpela ston
i sutim lek bilong yu.
 13Bai k yu krungutim laion na snek
na yangpela laion
na bikpela snek nogut tu.

14God l i tok olsem,
“Bai mi kisim bek
ol man i laikim mi tru,
na bai mi lukautim gut
ol man i save tru long mi.
 15Taim m ol i prea long mi
bai mi harim prea bilong ol.
Na sapos hevi i kamap long ol
bai mi stap wantaim ol.
Na bai mi kisim bek ol
na givim biknem long ol.
 16Bai mi skruim laip bilong ol
i go longpela
olsem prais bilong ol.
Na bai mi kisim bek ol
na ol i stap wantaim mi.”
Copyright information for TPI